Նպատակը-Կոմիտասյան պարերգերի յուրացում և տարածում, կրթական փոխանակման միջոցով հեղինակային կրթական ծրագրերի տարածում: Համատեղ համերգ- ամփոփում:
Մասնակիցներ- Արևելյան դպրոցի 2-րդ դասարանցիներ, Հարավային դպրոցի 2-րդ դասարանցիներ, Աշտարակի Վ. Պետրոսյանի անվան հիմնական դպրոցի 5-րդ դասարանցիներ:
Խնդիրներ-Զարգացնել սովորողների գրական, երաժշտական ճաշակը, ստեղծագործական հմտությունները, բանավոր խոսքը, համագործակցային հմտությունները, մեդիահմտությունները:
Առաջին՝ նախապատրաստական փուլ
Սովորում ենք կոմիտասյան 5 պարերգ
- Տեքստից դուրս ենք գրում անծանոթ բառերը և օնլայն բառարանի միջոցով բացատրում: Անծանոթ բառերով կազմում ենք բառակապակցություններ, նախադասություններ:
- Հաշվում ենք, թե պարերգը քանի՞ նախադասությունից, քառատողից, բառից է բաղկացած, ո՞ր բառերն են հաճախ կրկնվում, ո՞րն է ամենաշատ կրկնվող բառը և քանի անգամ է այն կրկնվում:
- Որևէ էլեկտրոնային ծրագրով նկարում ենք պարերգի սյուժեն, վրան մուտքագրում ենք տեքստը՝ դարձնելով կարաոկեներ:
Սովորում ենք երգն ու պարը համատեղ կատարել:
- Համացանցից, հանրագիտարաններից, մեծերից տեղեկատվություն ենք հավաքում Աշտարակի մասին՝ ո՞ր մարզում է գտնվում, ո՞ր գետն է հոսում Աշտարակով, որտեղի՞ց է սկիզբ առնում, դեպի ու՞ր է հոսում, որ լեռներն են գտնվում տարածաշրջանում: Աշտարակ հասնելու համար քանի՞ քաղաքով պիտի անցնել:
- Գծում ենք ճամփորդության քարտեզը:
Ինպե՞ս պետք է ճամփորդը հագնվի և ի՞նչ պետք է ունենա պայուսակում:
Առաջին բուժօգնության պայուսակի հավաքում՝ ի՞նչ բժշկական նյութեր, դեղեր ու պարագաներ է հարկավոր վերցնել և ինչպե՞ս առաջին բուժօգնություն ցուցաբերել վնասվածին:
Երկրորդ փուլ
Պարերգերի համատեղ ուսուցում Հարավային դպրոց պարտեզի երկրորդ դասարանցիների հետ:
Սովորում ենք միասին քայլել, արագ հավաքվել, միասին երգել ու պարել:
Երրորդ ՝ ամփոփիչ փուլ
Այցելություն Աշտարակի ջրաղաց: Սուրբ Սարգիս եկեղեցի բարձունքից քայլարշավ դեպի Աշտարակի հին կամուրջ, ջրաղաց:
Աշտարակի Վ.Պետրոսյանի անվան հիմնական դպրոցի 5-րդ դասարանցիների և Հարավային դպրոցի 2-րդ դասարանցիների հետ կոմիտասյան 5 պարերգի ուսուցում, նկարահանում:
Այցելություն Կոմիտասի անվան թանգարան ինստիտուտ: